حكايات الحياة
نص دستة اشرار مشاغبين جدا هتمسكهم الشرطة
فى ملهى ليلى بيتجمع فيها الشلة المنحرفة
كان قاعد ايمن ومعتز ومصطفي صحاب فى اولى جامعة .. سهرانين زي كل يوم يشربو ويسكرو ويهزرو لحد لما معتز بص لمصطفي وقاله
،،،،،،مصطفي هوا الواد ايمن ماله اليومين دول
،،،،،،مالو ازاي يعني مهو قدامك اهو متنيل زي كل يوم
،،،،،يعم منا عارف انا قصدي الفلوس اللى عمال ينتورها يمين وشمال دي منين ؟؟ ومن أمتي دا طول عمره بيستلف منى انا وانتا وعارفين البير وغطاه
،،،،،،،،،،يوووووووووه يا معتز بقولك ايه يا اخي متطيرش النفسين اللي في دماغي ... انا مش ناقص ... اما يبقي يجي يقعد ابقي اساله
،،،،،، يا عم اساله ايه دنا دماغي وجعتني في الدقيقه اللي اتكلمت فيها اقلك ماليش فيه ايكش يكون مدبس نفسه في حاجه وياخد خازوق
،،،،،،،،ههههه لا هوا من ناحيه الخزوق فهو بلاعة خوازيق
في بيت حنين واحدة من الشلة
حنين كانت في اوضتها ماسكه تليفونها بتحاول تتصل علي ايمن وبعد شويه رمت التليفون وهى عمالة تنفخ و تقول
،،،،،،يوووووه يا ايمن رحت فين بس
قعدت حنين زهقانه من كتر ما اتصلت علي ايمن وهوا مبيردش عليها وبعد شويه قامت بسرعه اطمنت أن كل اللي في البيت نامو ودخلت اوضتها تاني وهيا فرحانه ابوها مسافر يعني اخيرا هتاخد حريتها و تعيش براحتها .. و بسرعه راحت حنين فتحت شنطتها وطلعت سيجاره وخدتلها نفسين وقعدت علي سريرها ماسكه تليفونها وزي كل مره ايمن مكنش بيرد عليها قامت تجرب ارقام جديده علي التليفون مره بنت ترد عليها ومره راجل عجوز ومره شاب ... لحد ما رقم منهم يعلق معاها و يعجبها
وتلاقي حد زيها تفضل تكلمه طول الليل وفضلت حنين تجرب لحد لما راحت في النوم بعد ما اتسطلت من السيجاره وسابت التليفون واقع علي الارض
،،،،،،،وفي بيت لينا أفسد واحدة فى الشلة
بعد لينا ما اطمنت أن ابوها وامها مش موجودين في البيت وكل واحد فيهم سهران مع اصحابه بسرعه قامت لبست عشان تروح لاصحابها في النايت كلاب وقبل ما تمشي مسكت تليفونها وكلمت جني صحبتها قالتلها
،،،،،انتي فين يا جني .. مش هنخرج ولا ايه ؟؟
،،،،،،انا في البيت يا لينا امي كانت قافشه عليا علي الاخر
،،،،هيا امك دي علطول قافشه عليكي متقوليلها تريح دماغها منك شويه
،،،،،،يوووووه قلت كتير ياوختشى و اتخنقت منها اصلا
،،،،،،طب يعنى انتي كده جيم اوفر ومش ناويه تيجي تسهري معانا ؟؟؟!
،،،،،لا ازاي دا معتز لسا مكلمني وبيقلي معاه صنف نار
،،،،،،خلاص يلا بسرعه انا كمان همشي اهو ونتقابل هناك بقلك ايه صحيح
،،،،،،ايه خير قولي يا قلبى
،،،،،كلمتي حنين تيجي تسهر معانا ؟؟
،،،،،يا شيخه ... حنين وتسهر منتي عارفه ابوها وقرفه ... هتقعد تقولك هتقفش وهتنيل سيبك منها وبعدين اصلا هيا حنين زمانها مشغوله دلوقت .. و ليها زباينها هههههه
،،،،،، يخرب بيتها لو ايمن عرف العك اللى هى بتهببه
،،،،،علي اساس ان هو كمان مبيعكش ؟؟ وماشى فى السليم ... يا هبلة اسكتى .. هوا ايمن دا بيعتق ... بقلك يا لينا انا هقفل بقي عشان الحق اخلع من غير ما حد يحس لاحسن ام اويئ امى تاخد بالها
يلا باى بيبى ومتتاخريش علينا
وفي بيت مصطفي
مامت مصطفي كانت قاعده مستنيه اخوها حمدي يجي وهيا زهقانه ومتوتره وحاسه أن اخوها مش واقف جنبها عشان مصطفي ابنها وفضلت كدا لحد لما جرس الباب خبط واول ما فتحت قالت بعصبيه
،،،،،،اخيرا جيت يا حمدي .. دنا مستنياك بقالى شهر وانت عمال تأجل المعاد
،،،،،،،في ايه بس .. اهدى كده .. غصب عنى معلش على ما خلصت شغلي واحكيلى بقى مالك يا ست الكل
،،،،،، يا حمدي انتا اخويا الوحيد وماليش حد غيرك يقف جنبي مصطفي ابني هيضيع مني ... اتلم على شوية عيال صيع ومحدش هيعرف يخرجه من الورطة دى غيرك
،،،،،،يوووووه هوا كل يوم نفس النغمه تفضلي اتصلي بيا طول النهار في الشغل وعاوزاك في حاجه مهمه واول ما اجي نفس الكلمتين بتوع كل مره مصطفي ابني بيضيع مني... الحق ابنى والسكة اللى ماشيها هدمره .. مش هوا دا اللي قلتلهولك لما كنتي مصممه علي الطلاق ؟؟ وانتى مسمعتيش كلامى
،،،،،،ليه يعني هوا ايه علاقه طلاقي بمصطفي بس ؟؟
،،،،،،ايه علاقته ازاي يعني مهو لما الواد ميلاقيش حد قدامه وواقفله مش هيعمل حساب لحد ؟؟ ودا اللي حصل بعد ما اطلقتي وبرضو دا كمان اللى فضلت افهمهولك .. وانتى بدماغك الضلمة صممتى على رأيك و اخترتى نفسك وراحتك ونسيتى ابنك .. يبقي اتحملى و اشربي بقي
،،،،،يعني ايه يا حمدي انتا اخويا والمفروض انت اول حد يقف جنبي وانا موافقة تعمل معاه اى. حاجة تعجبك ...ةبس يتصلح ويرجع زى الاول. .. كلمه زعقله .. ان شاالله حتي تضربه بس رجعه من السكه اللى هوا ماشي فيها دي اللهى ربنا بياركلك ابنى هيروح منى
،،،،،،هبقي اشوف الموضوع ده بعدين .. عموما انا همشي دلوقت عشان عندي بكرا شغل بدري وبعدين نبقي نتكلم
ونرجع تانى للنايت كلاب اللى سهرانين فيه الشلة
وصلت لينا وجني واول ما دخلو النايت دورو علي بقيت صحابهم ايمن ومصطفي ومعتز جني اللي شافتهم الاول وبسرعه بصت للينا وغمزتها وقالت
،،،،،،وبتلومي حنين بصي هناك كدا شوفي ايمن بيعمل ايه
،،،،،،فين دا يا جني
،،،،،،يبت هناك اهو عند الرقاصه
،،،،،،ههههههه يخربيتك يا ايمن. .. لو حنين قفشتم هتبقى ليلة امك كحلى و هتعمل منك بطاطس محمره
،،،،،،بلا نيله ما اسخم من ستى الا سيدى ... بصي حنين وايمن زي بعض بقولك صحيح مصطفي هناك اهو هتعملي معاه ايه ؟؟
،،،،،مش عارفه لسا يا جني احنا متفقين نتقابل في الشقه بكرا .. ومش عارفة اخرت المقابلات دى ايه
،،،،،،طب بقلك ايه تعالي نروح عندهم احسن اخدو بالهم مننا وبداو يبصو علينا
،،،،،،وفي بيت حنين الوحيدة المحبوسة ومقدرتش تخرج للتقفش من اهلها .. فقالت تقضيها تليفونات
حنين اتنبهت من نومها علي صوت موبايلها اللى كان بيرن مسكته وهيا نايمه و بصت فيه .. لقت ٣٧٥ مكالمة فائتة
ردت من غير ما تعرف مين وقالت بتوهان
،،،،،الو ايوا مين الزنان ابن الزنانة اللى ايدو موجعتوش من كتر الرن
اللى كان بيكلمها حس بتوهانها وصوتها اللي مش مظبوط عشان كدا اتشجع في الكلام وقالها
لمشاهده باقي القصه اضغط هنا 👇👇
تعليقات
إرسال تعليق