حكايات الحياة
انتصرت على حماتى بعد ما قررت تجوز جوزى لسلفتى والنهاية كارثة !! قصة حقيقية حدثت بالفعل
الجزء ٢
،،،،،،،اول لما طلعت شقتي أنا وسلفتي حنان ،حنان قعدت معايا وقالتلي خلاص كدا يا ندي احنا بدءنا الخطه ولازم نكملها سوا عشان نقدر نتغلب علي تخطيط حماتي قعدت قدام حنان مبهوره بعقلها وكلامها والطريقه الي بتخطط بيها ولا المسلسلات وقعدت احمد ربنا انها هتساعدني لاني لولاها كنت زماني قاعده اندب حظي .. ومش عارفه اتصرف هى شكلها في الحاجات دي اذكي مني وفضلت سرحانه في كلامها لحد لما اتنبهت علي صوتها وهي بتقولي
،،،،،،،ندي ايه رحتي فين انا بكلمك بقالى نص ساعه وانتي ولا هنا
،،،،،هه ولا حاجه كنت بس بفكر انتي ازاي يا حنان قدرتي تفكري في الخطه دي بالسرعه دي
،،،،،،، يابنتي زى ما انتى نفسك جوزك يفضل فى حضنك باقى العمر وميروحش لواحده غيرك وتخطفه منك .. انا كمان نفسى اخلص من الجوازة دى وباقصى سرعة لانى عاملة حساب اليوم ده عشان كده كنت مخططله من قبل شهور العدة ... المهم بقي ياستى هتعملي ايه
،،،،،،هه اصل !!!يعني خطتك تخوف
،،،،،، تانى يا ندي اوعي شكه انى ممكن اضرك او اعمل معاكى حاجة مش فى مصلحتك .. انتى اختى من سنين فاتت من يوم ما كنا جيران فى بيت اهلك و يهمنى مصلحتك قبل اى شئ المهم مدوخنيش بقى فهمت اللى قلتلهولك كويس ولا اعيد تانى
،،،،،،معلش والله يا حنان اخر مره عشان كنت سرحانه ومش مصدقة نفسى واوعدك اني هركز في الكلام المره دي
،،،،،،ماشي يا ستي هفهمك تاني بس اخر مره احنا زي ما قلتلك انا بكره همشي من هنا هروح اقعد عند اهلي اسبوع انتي بقي في الاسبوع دا مهمتك هتبدء
،،،،،،ازاي يعني مش فاهمه هعمل ايه
،،،،،،بصي يا ندى ركزى اوى معايا مشكله محمود جوزك انو بيحب امه اوي اوي زياده كمان عن اللزوم عشان كدا هتبقي مسؤليتك انك تكرهي محمود في مامته في الفتره التي انا فيها عند اهلي
،،،،،،،ازاي دا يا حنان مستحيل طبعا محمود يكره مامته
،،،،،مهو لو عملتي اللى قلتلك عليه يا ندي ونفذتيه بالحرف هتخلي محمود يكره مامته وميحبش حد غيرك
،،،،،،بجد طب اعمل ايه طب فهمينى
،،،،،اسمعي يا ست ندي
…...فضلت حنان تفهمني وتشرحلي كل خطه هنفذها في السبع ايام اللى هيا هتغيب فيهم عند اهلها كنت مركزه في كل كلمه بتقولها وجوايا تصميم اني انفذ كل اللي بتقوله مع أن في لحظات كنت بضعف وافكر ازاي ممكن اعمل كدا في حماتي بس كل اما افتكر بيتي اللى هيتخرب وان حماتي السبب في دمار بيتى .. قلبي يقوي اكتر وبعد ما خلصت حنان قالتلي
،،،،،،،ها يا ندي فهمتي هتعملي ايه كويس
،،،،،اه اه فهمت بس يعني
،،،،،،يعني ايه .... في ايه تاني
،،،،،اقصد مش حرام اللى هعمله دا
،،،،،،،ردت قالتلى خلاص يا ندي خلي بيتك يتخرب وتجبر محمود انو يتجوزني وبصراحه بقي يا ندي لو محمود راح لبابا وطلبني منه ابويا هيوافق اهلى على قد حالهم ومش هيقدروا على مصاريفى انا وابنى
،،،،،،لا لا خلاص هعمل كل اللى قلتي عليه
،،،،،تمام اتفقنا انا بقي هطلع دلوقت اكلم اهلي يستنوني واحضر شنطتي وهفضل انا وانتي سوا علي تليفون واعملي حسابك بكره اول يوم
طلعت حنان سلفتي شقتها وسابتني قاعده افكر في خطه بكرا وازاي انفذها خصوصا أن حنان طلبت مني احط دوا في الاكل يوجع بطني واقول أن حماتي الي حطيته بس ازاي اعمل كدا وانا باكل انا وجوزي لوحدنا فضلت افكر في كل خطه حنان قالتها لحد ما حسيت بدخول محمود جوزي اللى وقف قدامي وقال
،،،،،ها هديتي يا ندي عشان حابب نتكلم شوية
،،،،،،هه اه يا محمود معلش بقي انا عارفه اني كبرت الموضوع بس غصب عني بحبك بقي وبغير عليك
،،،،وانا كمان بحبك يا ندي بس بتضايق من احساسي انك عايزه تتحكمي فيا المهم بقلك يا ندي ايه رايك نبقي ننزل بعد كدا نتغدي مع امي
،،،،،،هه اكيد اكيد طبعا يا محمود بس ايه السبب
،،،،،،اصل بصراحه انا كنت معتمد أن حنان بتنزل تاكل مع امي تحت وانها مش لوحدها بس دلوقت بقي مع غياب حنان امي صعبانه عليا تبقي لوحدها
فرحت من جوايا فرحه متتوصفش وانا حاسه أن الخطه الاولي جاتلي علي طبق من دهب وهتتنفذ بالسهوله دي وبسرعه جدا لقيت نفسي بقول لمحمود
،،،،،،عندك حق يا محمود انا برضو كنت هقلك كدا حرام تفضل قاعده لوحدها خلاص بكرا هنزل بدري اوضب الغدا
،،،،،، لا يا ندي انتي عارفه ان ماما هي اللي بتحب تعمل الاكل انتي بس ابقي انزلي اتغدي معانا وبس
،،،،،،حاضر يا محمود بكرا هبقي انزل معاك
،،،،،،خلاص اتفقنا يا ندي بقلك ايه صحيح !!!!!
،،،،،،نعم في حاجه شكلك عايز تقول حاجه
،،،،،اصل بصراحه يا ندي عاوز اسالك علي حاجه وخايف تضايقي من كلامي او تفهميه غلط
،،،،،انا يا محمود !!!!!!وانا من أمتي بس زعلت منك قول في ايه قلقتني
،،،،،،انتي بجد يا ندي هتفكري في موضوع جوازي من حنان زي ما قلتى؟
،،،،،،انتا عايز ايه يا محمود و انا هعمل اللي يريحك
،،،،،،بصراحه يا ندي انا عارف أن موضوع الخلفه دا مش بايدي ولا بايدك بس يعني انا نفسي ابقي اب
،،،،،خلاص خلاص انا قلت هفكر واللى فيه الخير ربنا يعمله يلا انا هدخل انام تصبح علي خير
دخلت انام وانا جواي بركان غضب من احساسي بالغدر من جوزي محمود حب عمري اللى ضحيت عشانه بكل حاجه وهو في اول موقف بيتخلي عني وعرفت وقتها ان هوا معندوش اي مشكله انه يتجوز عليا دنا حتي حسيت انو مصدق كان مستني الفرصه و اكتر حاجه كانت تعباني اني عارفه ان محمود مكنش فارق معاه وجود اطفال من عدمه و ياما انا اترجيته نشوف دكتور واتنين وكان دائما رده لو مكتوب لنا اننا نخلف هنخلف فضلت جوا دوامه تفكير كانت هتقتلني ومنجنيش منها غير اني رحت في النوم
وتانى يوم صحيت علي صوت محمود وهو بيقول
،،،،،،ندي !!!!!اصحي يا ندي
،،،،،،ايه يا محمود في ايه
،،،،،،يلا يا ندي انا ماشي رايح الشغل وتقريبا كدا حنان مشيت امبارح بعد ما نمنا راحت عند اهلها
،،،،،ايه دا بجد طب مجتش تسلم علينا الأول ليه
،،،،،،مش مهم بقي اللى حصل المهم زي ما اتفقنا امبارح اجي الاقيكي تحت عشان نتغدي كلنا سوا
،،،،،حاضر يا محمود
مشي محمود راح شغله وانا قومت جهزت نفسي واخدت الدوا اللى حنان سلفتي اديتهولي احطه في الاكل ونزلت عند حماتي بصتلي بسخريه وقرف وقالتلي
،،،،،،كل دا نوم نموسيتك كحلي يا ست ندي ولا مستنيه الخدامه تخلص
،،،،،ليه كدا بس يا ماما مش انتي اللى قلتي لمحمود انزل متاخر لانك بتحبي تعملي الاكل بنفسك
،،،،،،ودا سبب يخليكي تنامي لحد دلوقت طبعا منتي لا عيل ولا تيل هتقومي تعملي ايه حسره عليك يا بني يارب اشوف عوضك بقي احسن خلاص حاسه اني هموت قبل ما اشوفلو حتة عيل من صلبه
سمعت كلام حماتي وتاقتيمها فيا من غير ما ارد عليها ولا حتي بكلمه واحده خفت اتكلم او ارد تطردني علي شقتي والخطه تبوظ دخلت من سكات المطبخ وقعدت اجهز الغدا بسرعه واول ما جه معاد رجوع محمود جوزي من الشغل كنت عارفه ان حماتي اول لما محمود يوصل هتخش بسرعه تعمل نفسها بتشتغل وتطلعني برا وتبين انها هيا اللى عملت الاكل عشان كدا بسرعه حطيت الاكل في الاطباق وحطيت الدوا اللى حنان اديتهولي بسرعه في طبقي انا بس وعلمت طبقي بعلامة و محدش لاحظ حاجة وزي ما توقعت اول لما محمود وصل لقيت حماتي داخله المطبخ بتقولي
،،،،،،،كل دا بتعملي اكل اطلعي برا انا هعمل الاكل لابني زمانه جاي هفتان يا قلب امه من الشغل
،،،،،،حاضر يماما ربنا يخليكي لينا
خرجت من المطبخ بعد ما حماتي دخلت وطلعت قعدت مع محمود اللى بصلي بعتاب وقالي
،،،،،،ندي ابقي ساعدي ماما حتي في شغل البيت مش لازم الاكل يعني كدا حرام هى بتعمل كل حاجه لوحدها ابقي اعملي معاها اي حاجه
،،،،،،حاضر يا محمود معلش من بكرا هعملها كل حاجه باذن الله
بعد شويه خرجت حماتي من للمطبخ جايبه الاكل و هى بتمثل التعب اللى طول النهار حاسه بيه وهى بتعمل الاكل وحطت الاطباق قدمنا بس المشكله انها حطت طبقي قدام محمود وبسرعه انا ومن غير ما ياخد باله غيرت الاطباق وانا ببتسم ليهم وبقول
،،،،،،تسلم ايدك يا ماما
،،،،،، ردت قالتلى بالهنا والشفا يا ندي عارف يا محمود انا عامله الاكل دا كلو عشان خاطر ندي
،،،،محمود ابتسم وقال ابسطي يا ست ندي امي بتحبك اكتر مني
،،،،،،ضحكت وانا شايفه حماتي وحوزي الاتنين بيمثلو عليا وبداءت اكل من طبقي وانا فاكره ان الدوا اللى حنان اديتهولي يدوب مجرد دوا يعمل مغص ويوجع بطني بس بعد ما اكلت معلقه والتانيه صرخت بعلو صوتي من الوجع
،،،،،،ياتري ايه الدوا اللى حنان كانت مدياه لسلفتها ندي وياتري هيحصل لندي ايه وهل فعلا اول خطه ندي عملتها هتنجح ولا محمود هيفضل زي ما هو بيصدق مامته في كل حاجه .. ياريت نعرف توقعاتكم فى التعليقات .. تابعو معانا الحلقه الجايه عشان تعرفوا كل جديد
لمشاهده باقي القصة اضغط هنا 👇👇
تعليقات
إرسال تعليق