حكايات الحياة :

                          قصتي مع حماتي بعد ما خلت جوزي يتجوز سلفتي    

،،،،،،اسمع يا محمود هتتجوز حنان مرات اخوك يعني هتجوزها فاهم انتا لازم تلم لحم اخوك الله يرحمه

،،،،،،،يماما اتجوزها ازاي بس منا متجوز وبعدين ندي مراتي عمرها ما هتقبل بالكلام دا 

،،،،،،وهوا من أمتي يا محمود احنا بنمشي بكلام الحريم انا قلت تتجوز حنان اهو علي الاقل تخلف حته عيل بدل مراتك النحس اللى متجوزها بقالك خمس سنين ومشفتلكش عيل 

،،،،،،،،يماما اصل !!!!!!

،،،،،،،ولا كلمه تانيه تطلع حالا تفاتح حنان مراتك في الموضوع و يا قابلت بالوضع الجديد ياما مع الف سلامة المركب اللى تودى

،،،،،،الاول احب اعرفكم بنفسي انا ندي عندي ٢٩ سنه متجوزه محمود بقالي خمس سنين بعد قصه حب قوية بينا من ايام الجامعه وحياتنا كانت جميله برغم تأخير الخلفه اللي مكنش بادينا بعد ما لفينا علي دكاتره كتير وقالولنا أن مفيش عيب لا عندي ولا عنده وفضلت حياتنا كويسه لحد موت احمد اخو جوزى الصغير ومن ساعتها حياتنا اتبدلت من ساعه حماتي ما قررت تجوز حنان مرات احمد الله يرحمه لجوزي محمود وبعد ما قالت حماتي الكلام دا لمحمود جوزي خلتني موجوده عندها وقالتلي 

،،،،،،بقلك ايه يا حنان انا عوزاكي في موضوع

،،،،،،قعدت قدامها علي الكرسي وقالتلها نعم يا ماما خير

،،،،،، قالتلى اسمعي كويس الكلمتين اللى هقلهملك دول انا قررت اجوز حنان مرات احمد ابني الله يرحمه لمحمود

،،،،،،،محمود!!!!!!محمود مين يماما

،،،،،،وهوا في كام محمود عندنا يا نن عينى 

محمود جوزك طبعا 

،،،،،،،ازاي دا يماما انتي ازاي تقولي كدا مستحيل طبعا 

،،،،،،مستحيل ليه مش يمكن تعرف تجيب لينا العيل اللي بقالك خمس سنين مش عارفه تجبيه

،،،،،،يماما الخلفه دي مش بايدي ولا بايده احنا كشفنا كتير وكل الدكاتره قالولنا مفيش سبب 

،،،،،،فيه سبب مفيش سبب انا قلت اللى عندي محمود هيتجوز حنان .. واللى مش عاجبه الباب يفوت جمل

 خرجت من عند حماتي وانا مش شايفه قدامي عقلي مش قابل أن واحده غيري تشاركني جوزي ولا متخيله أن محمود جوزي ممكن يعمل كدا فيا حتي حنان الطيبه اللي كانت علطول بتعاملني زي اختها ازاي تقدر تخطف جوزي .. فجاة لقيت نفسي الغضب اتملك مني وطلعت شقه حنان واول ما فتحت الباب

،،،،،،، انفجرت فى العياط وقولتلها انتى ازاي تعملي فيا كدا يا حنان ؟؟ بقى دى اخره العشرة والسنين اللى ما بينا والعيش والملح

،،،،،،،في ايه بس يا ندي حصل ايه ... انا مش فاهماكى .. انا عملت ايه بس لكل ده

،،،،،،،انتي هتستهبلي ياختى حماتي قالتلي علي كل حاجه 

،،،،،،حاجه ايه يا ندي صدقيني انا مش فاهمه حاجه ومش عارفه بتتكلمي عن ايه 

،،،،،لا انتي عارفه كويس وبتستعبطي يا حنان

،،،،،اهدي بس يا ندي وتعالي ادخلي جوا نتكلم 

،،،،،لا جوا ولا برا وانا اللى كنت مفكراكي طيبه وغلبانه اتريكي طلعتي داهيه ومايه من تحت تبن 

اسمعى يابت انتى .. عشمك فى انك تتجوزى جوزى ده عشم ابليس فى الجنة يابت ونجوم السما اقربلك انتى فاهمة 

،،،،،محمود!!!!! وانا مالي بمحمود جوزك بس يا ندي 

،،،،،استعبطي يختي .. استعبطي اوى ..  بصي انا قلت اللي عندي يا حنان بعد كدا بقي متلومنيش فى اللي هعمله

وسبت حنان ونزلت شقتي واول ما دخلت لقيت محمود جوزي قاعد في الصالون وشكله زعلان ومهموم كان شكله صعبان عليا بس كل لما افتكر كلام حماتي قلبي يولع اكتر معقول حب اربع سنين وجواز خمس سنين يضيعو علي طول كدا عشره تسع سنين كامله ممكن محمود يرميهم ورا ضهره عشان الخلفه اللي انا اصلا ماليش ذنب فيها وقفت قدامه وقالتلو 

،،،،،،محمود الكلام اللى ماما قالته دا صح وبجد

،،،،،، رد عليا و قالى كلام ايه يا ندي اللى ماما قالته ؟؟

،،،،،، رديت بعصبية وقلتله انتا هتستعبط عليا انت كمان ... فاكرني هبله ومش هعرف بتعملوا ايه من ورايا .. اه مانتوا طبختوها سوا وفاكرنى هبلة فى الزفة

،،،،،في ايه يا ندي ايه الكلام دا وازاي تتكلمي معايا اصلا بالاسلوب دا

،،،،،،اسلوب!!!!!كل اللي فارق معاك الاسلوب امال عايزني اتكلم معاك ازاي وانتا عاوز تتجوز عليا

،،،،،،ايه الكلام الفاضي دا يا ندي جواز ايه بس 

،،،،متحاولش تنكر يا محمود مامتك قالتلي علي خبر جوازك من حنان مرات احمد اخوك 

،،،،،،ياندي وانتي صدقتي انتي بتاخدي علي كلام امي برضو 

،،،،،،،اه باخد علي كلامها عشان عارفه ان امك لما بتقرر حاجه بتنفذها وانتا حتي معترضتش علي كلامها بقي تبعني يا محمود عشان الخلفه تبيع عشره تسع سنين بحالهم عشان الولاد اشمعني أنا صبرت معاك 

،،،،،اهدي بس يا ندي مفيش حاجه من الكلام دا صدقيني 

،،،،،انا اصدق اللي انا شايفاه بعيني قدامي ومصدقش ردك اللى مش نازلى من زور ده ..  بقي تسيبني انا حلاوة وجمال و اصل وعيلة وتروح لخطافه الرجاله وش النحس حنان .. طب دى لا شكل ولا حتى روح 

،،،،،،كلامك دا عيب في حق حنان وحق اخويا احمد الله يرحمه عيب كدا يا ندي من امتي وانتي بالغل والحقد ده

ساعتها انا كنت متعصبه لدرجه اني مش عارفه ولا مميزه انا بقول ايه وبعمل ايه .. فكرة ان محمود هيتجوز عليا جننتني ودا اللى خلاني اقول كده وانا بصرخ و بصوت عالى

،،،،،،لا من حقى اقول و اقول على كل المستخبى كمان وانها خطافه رجاله ووش نحس .. انت ناسى انها أطلقت في جوزتها الاولي بعد شهر واحد واهي جابت اجل اخوك خالص وموتته بعد جوازها منه فى اقل من سنه 

،،،،،،لاااااا انتى زودتيها اوى و الكلام معاكي دلوقت بقي مستحيل انا خارج يمكن لما راجع تكوني هديتي ونعرف نتكلم سوا 

وخرج محمود وسابني بهري وبنكت في نفسي ودمي محروق ومش عارفه اتصرف ولا هعمل ايه لو محمود فعلا قرر يتجوز حنان عليا وقعدت افكر في اللى ممكن يحصلي لو دا حصل فعلا وازاي  هبقي لوحدي من غير اهل ولا حد جنبي محمود كان كل دنيتي وحياتي من بعد موت ابويا وامي وغصب عني فضلت اعيط علي حالي واللى حصلي واللى كمان لسه هيحصلي ووسط دا كلو لقيت باب شقتي بيخبط قومت ورحت اشوف مين ووقفت عند الباب وقلت مين

،،،،،،، ردت عليا حنا وقالتلى انا حنان يا ندي 

،،،،،انتي !!!!!!انتي عايزه ايه تاني .. ابعدي عني بقى وعن جوزي مش كفاية عايزه تخربى حياتى وتدمريه

لمشاهده باقي القصه اضغط هنا 👇👇

https://yt6.pics.ee/3rrs2l?fbclid=IwAR2f3OQGCwpaZ-cU6fmtaIPo32WGkekwnh7O191otv_OMocJyQkhtylc_3Q