صورني وانا نايمه وبعت الصور لأهلي والكارثة انه ؟!

قصه حقيقيه من حكايات الحياة .....صورني وبعت الصور لأهلي والكارثة انه !!!!!
الحلقة الأولى وفاء (الأم) أختك جايلها عريس يا أدهم، والناس طلبوني أكتر من مرة عشان أحددلهم ميعاد ييجوا فيه أدهم إنتي عارفة يا أمي إني مشغول جداً اليومين دول، وإبنك مصطفى مش بيساعدني ولا بشوف وشه في الشركة يعني كل حاجة على دماغي انا مصطفى إيه يا عم إنت، أنا عريس جديد ومن حقي آخد أجازة وكمان يوم ما يجى العريس لاختك انا مستعد اكون مكانك فى الشركة وقتها عادى مريم خلاص، قوليلهم يا ماما إن أبويا مات، وإخواتي الرجالة مش فاضيين، وبالمرة معندناش بنات للجواز أدهم انتى بتتكلمى كده ليه .. استني عندك، انتى واقعة كده ليه ؟؟ وفاء الام ادهم لاحظ انك بتكلمها تبقى اختك وملهاش غيرك كبير العيلة ادهم يعنى عاجبك يا أمي الكلام اللي بنتك بتقوله ده! رانيا (زوجة أدهم) أدهم، الموضوع مش مستاهل، اهدى كده و ان شاء الله هنلقيلها حل مريم ما تتدخليش بيني وبين إخواتي يا رانيا و خليكى فى حالك ..وإنتي يا ماما مكنش مفروض تفتحي الموضوع ده قدامهم كده واحنا بناكل كده مصطفى خلاص يا ست مريم مادام مش عايزة حد يسمع ولا حد يتدخل كنتي جيتي إنتي وعرفتينا بينا وبينك من الأول العريس ده أصله إيه وفصله إيه. وبعدين ما انتى طول عمرك بترفضي فى العرسان اشمعنا يعني المرادي مهتمة أوي ومستعجلة انهم ييجوا ! الراوي: ودي كانت الشرارة اللي بدأت بيها كل مشاكلهم، مريم دلوعة العيلة، والوحيدة اللي أبوها قبل ما يموت وصى عليها اخواتها وخلاص كبرت وبقت عروسة كانت حياتهم جميلة ولطيفة لحد اليوم ده بالذات اللي إنقلبت فيه كل الموازين، ومن وقتها وعيلة الرفاعي بقت سيرتها على كل لسان، وكل يوم والتاني تحصل مفاجأة محدش فينا يتوقعها. لكن زي ما كان مصطفى حاسس الموضوع كان فيه إنّ تعالوا نكمل مع بعض ونشوف ايه اللى هيحصل للعيلة الغريبة دى !! Cut مريم فى اوضتها وبتتكلم فى التليفون مع يوسف و بتقوله مريم معرفش يا يوسف بس أنا بحاول أقنعهم .. معرفش ناويين على ايه يوسف تقنعيهم! هو فيه إيه يا مريم تحبي أفكرك إنك إنتي اللي كنتى بضغطتي عليا إني أتقدملك ولا إيه مريم يعني هو كان بإيدي!؟ ولا إنت تعمل العملة وعايز تخلع بعدها؟ لا اصحى كده وفوق عشان متدويش نفسك فى داهية واحسنلك تكمل للاخر بأدب يا حبيبى يوسف حبيبتى مقلتش كده ومسبتكيش وهربت يعني منا جنبك ومعاكى اهو وابننا أو بنتنا هيتربوا وسطنا، بس إنتي خلي مامتك تضغط على أخوكي شوية، كلها كام شهر وبطنك تبان وميتهيأليش يعني إن الحل اللى هعمله ساعتها هيعجب حد مريم خلاص خلاص كده كده ماما قاعدة مع أدهم ومصطفى دلوقت ، أنا هقفل عشان أشوف ماما عملت إيه .. باى باى Cut و فى الناحية التانية .. ام مريم قعدت مع اخواتها عشان تقنعهم يوافقوا يشوفوا يوسف عريس اختهم مريم وقالتلهم وفاء يابني أختك باين عليها إنها بتحبه، إيه المشكلة لما ندور على سعادتها أدهم يعني إيه بتحبه يا ماما عرفته منين يعني ولا شافها فين وفاء من أيام الكلية وهي كانت حكيالي على كل حاجة بينهم .. والواد باين عليه شاريها وناوى خير معاها مصطفى بصراحة أنا مش مطمن للموضوع ده، ما فيه 100 واحد تاني يتمنوا يناسبوا عيلة الرفاعي اشمعنه ده يعني واحنا لا نعرف أصله ولا فصله وفاء يابني إنت وهو ريحوني ربنا يريح بالكم أدهم خلاص يا أمي لو كلموكي قوليلهم يتفضلوا يوم الخميس الجاى وأنا ومصطفى هنبقى موجودين وكل ده عشان خاطر عيونك انتى بس يا ست الكل وفاء ربنا يجبر بخاطركم يا ولادى يارب ....أما أقوم بقى أفرح أختكم أدهم وإنت كمان يا مصطفى من بكرة ترجع الشغل معايا .. أنا مش هفضل شايل عنك كتير مصطفى سيبك من كل ده وقولي إنت ناوي توافق على عريس الغفلة ده أدهم مش لما نشوفه الأول يابني يمكن يطلع خوفنا ده على مفيش! ويطلع جدع ووقتها هنسال عليه كويس متقلقش مصطفى لا أنا بفكر في حاجة تانية.. إنت عارف أختك مجنونة وطقة، مش بعيد تبيعله نصيبها في الشركة ونلاقي فلوسنا بتروح للغريب كده بين يوم وليلة.. أدهم لا لا معتقدش مريم هبلة للدرجادي! مصطفى أديني قلتلك أهو وبكرة الأيام تثبتلك كلامي .. Cut فى المطبخ كانت رانيا مرات ادهم بتكلم أمنية مرات مصطفى و بتقولها رانيا أدهم بصراحة معودني ما أتدخلش بينه وبين إخواته، بس أنا بخاف إنه يتعصب وإنتي عارفة موضوع السكر ده ممكن يوديه في داهية.. أمنية بس أنا الموضوع مش خايل عليا، وآدي دقني أهي لو مطلعتش مريم دي مصاحباه من زمان، وجايباه مخصوص عشان يلهف حتة من التورتة وبعدين فكري في عيالك مش ده مالهم؟ رانيا بصي يا أمنية يا حبيبتي لو عايزة تعيشي وتعمري في البيت ده، خليكي عايشة ولا كإنك سامعة ولا شايفة.. لكن لو فضلتي كده هتتعبي. أمنية أنا بس بقول.. مش دي السنيورة اللي رفضت أخويا من أسبوعين مع إنه متعلم ومعاه ماجستير .. تقوم توافق على واحد عاطل شغل وتعليمه اى كلام رانيا أنا ماليش دعوة.. أدهم لو عرف إني بتكلم في الموضوع ده هيزعل مني اوى ومش بعيد يطلقنى .. وانتي كمان مصطفى جوزك ما يستحملش اى كلمة على عيلته وأنا حذرتك.. رانيا يلا يا حبايبي نطلع شقتنا عشان وقت النوم جه.. ولاد رانيا بحزن حاضر يا ماما Cut و فى الوقت ده كان ادهم بيكلم مراته التانية لؤلؤ اللى متجوزها فى السر و بيقولها أدهم حاضر يا حبيبتي .. بصي أنا هقفل عشان هركن العربية وكلها 5 دقايق وتلاقيني قدامك بس عايز سهرة تعوضنى تعب اليوم كله وبلاش نكد ابوس ايدك لؤلؤ ههههه عيونى يا قمرى دانت تؤمرنى أمر Cut أدهم حبيبتي أنا جيت يا قلبى .. انت فين لؤلؤ انا فى المطبخ يا دومى بحضرلك احلى عشا وحشتني أوي يا حبيبى أخبار عيالك إيه وضرتي إزيها لسه عايشة ؟ أدهم لؤلؤ أنا جاي هنا أهدي أعصابي وأرتاح ما تجيبيش سيرتهم بقا أنا عايز أفصل .. وانسى هم اليوم كله لؤلؤ حقك عليا يا روحي ها تتعشى ولا أحضرلك تشرب حاجة على السريع الاول أدهم لا طبعا حضريلي أي حاجة اكلها من إيديكي الحلوين دول على ما آخد دش لانى ميت من الجوع لؤلؤ من عينيا .. هوا تكون السفره جاهزة Cut و هنا أمنية طلبت من مصطفى جوزها يخرجها شوية عشان عايزه تحكيله على حاجة وهما لوحدهم مصطفى تعالي نقعد بقا أنا تعبت أمنية مصطفى والنبى قعدنا فى المكان ده قصاد الخضرة و الشجر بحبه اوى مصطفى اه فاكرة كنا بنيجى هنا كتير ايام الخطوبة .. قولى بقى يا ستى كنتى عايزة تقوليلى ايه ومخرجانى مخصوص عشانه أمنية حبيبي إنت وعدتني إنك هتفكر في الموضوع وأديك شايف اللي بيحصل واختك خلاص هتتخطب لواحد تانى واخويا هيحصله حاجة لو مرتبطش بيها وبصراحة هو اولى من الغريب مصطفى انتي مش قلتيلي إن أخوكي شاف عروسة تانية وهيخطب! أمنية لأ ما انا حاولت أقنعة يشوفها و مرضيش ابداً راسه والف سيف يتجوز اختك مريم ... اصله بيحبها اوى يا حبة عينى مصطفى أنا مقدرش أقول لأختي تعمل إيه في حياتها هي حرة وبعدين احنا خلاص حددنا ميعاد مع الراجل وجاي يوم الخميس أمنية براحتك.. ما انت دايما كاسر بخاطرى ..بس أنت الخسران .. أخويا كان هيبقى تحت طوعك وايديك انما اللي أختك جايباهولنا ده الله وأعلم مين اللي حدفه علينا و ايه السر إللى وراه مصطفى أمنية حاسبي على كلامك و عدى ليلتك على خير أمنية إنت زعلت ولا ايه .. خلاص حقك عليا مكنتش جوازة هتخليك تقلب عليا مصطفى أخر مرة ألاقيكي بتتكلمي بالطريقة دي عن أختي إنتي فاهمة!؟ أنا اتقفلت منك ومن كلامك .. وقومى بينا يلا عشان نروح Cut تانى يوم وصل مصطفى شركتهم الفخمة و كان اول ؤوم شغل بعد اجازة شهر العسل .. قابلته السكرتيرة وقالتله السكرتيرة حمد الله على سلامتك يا مستر مصطفى مصطفى شكرا، قوليلي أدهم وصل؟ السكرتيرة مستر أدهم في الطريق مصطفى طيب أول ما يوصل بلغيني وناديلي محامي الشركة حالاً السكرتيرة تحت أمرك يا فندم Cut وهنا راح يوسف لاخته لؤلؤ عشان يقولها على اللى حصل مع مريم واخواتها لؤلؤ وبعدين ايه اللي حصل يا يوسف ؟ يوسف ولا قبلين قالتلي هتكلم اخواتها تاني وتقنعهم لؤلؤ أما يا واد يا يوسف لو حصل اللي في بالي، يبقى إحنا حطينا عيلة الرفاعي دي في جيبنا و وقتها هيبقوا خاتم فى صباعنا يوسف وانتي عاملة إيه مع أدهم؟ لؤلؤ أهو عايشة .. بييجي يفضي همه معايا.. بس سيبك منه إنت يا أخويا ونفسي أطمن عليك و اشوف احلى عريس يا قلبى يوسف تفتكري ممكن أدهم يجمع ويفتكرني ويعرف إني أخوكي؟ لؤلؤ معتقدش، أدهم طول الوقت باله في الشغل، ده كويس إنه فاكرني أنا يوسف مش عارف قلقان .. ومش على نفسي بس .. أنا قلقان عليكي يا لؤلؤ ، أدهم لو عرف إني أخوكي مش هيسيبك في حالك .. ومش بعيد يضىك ويأذيكى ده شرانى وانا عارفه لؤلؤ هو ده اللي قالقك، أومال لو عرف اللي انت عملته في أخته .. حط فى بطنك بطيخة صيفى .. ولازم تعرف اننا دلوقت قصاد بيت الاسد ولو طلعلنا لقانا خايفين ومنه ممكن نتاكل يوسف إيه؟ انتي هتخوفيني ليه! مش كل ده كان تخطيطك؟ وبعدين أنا كنت ناوي أزغلل عينها بس، لقيتها هي اللي شمال وداست معايا، يعني هي اللي كانت عايزة ده يحصل ومهماش نفسها لؤلؤ ولو ياخويا، البت بردو تستاهل يا وله ، وما تنساش إنها وريثة زيها زي اخواتها، وليها في كل حاجة غير شقتها و ارضها.. بعنى هتقع واقف يا عبيط .. و لو الواد ولا البت اللي في بطنها دول هما الضمان يبقى لازم تستحمل حتى لو عملت فيك ايه ... استحمل لحد ما تبقى فى بيتك .. يوووه اقصد انت اللى تبقى فى بيتها هههههه يوسف إيه ده إنتي مستنية حد!؟ لؤلؤ لأ.. ادخل الأوضة استخبى بسرعة .. على ما أشوف مين اللي بيرن الجرس لؤلؤ أدهم ! إيه اللي جابك هنا أدهم نعم ياختي! لؤلؤ قصدي إنت مرحتش الشغل ليه ؟ أدهم نسيت مفاتيحي كلها هنا، أومال هرن الجرس ليه لؤلؤ أه .. طيب استنى هجيبهالك أدهم مالك مش على بعضك كده ليه! وسعي كده ايه ده كوبايتين قهوة ؟ إنتي فيه حد معاكي ولا ايه ! لؤلؤ ايه اللي بتقوله ده يا أدهم .. ما تحاسب على كلامك ياخويا دي جارتنا كانت جاية تصبح عليا وقعدت شربتها قهوة ولا انت عايز تسيبني طول اليوم وتبقى مع مراتك الغندورو وأفضل أنا هنا محبوسة اكلم حيطان البيت لوحدى لا اشوف حد ولا اكلم حد! أدهم مقصدش أزعلك.. حقك عليا .. إنتي عارفة إني بحبك لؤلؤ طيب.. خد بقى مفاتيحك أهي جبتهالك ومتتأخرش عليا بالليل Cut الراوي وقف أدهم تحت البيت، والعربية مكنتش راضية تدور، وبعدها لؤلؤ سربت يوسف أخوها. في نفس الوقت اللى كان أدهم واقف فيه تحت البيت بس ادهم مخدش باله مين اللي نزل من شقة مراته .. وتليفون يوسف رن اول ما ركب عشان يروح .. كانت مريم بتقوله إن إخواتها اخيرا واقفوا يجى و مستنيينه يوم الخميس .. يوسف طار من الفرحة وقفل معاها وهو بيحلم باليوم ده يجى بسرعة البرق أما مصطفى كان مستني أدهم في الشركة على أعصابه، بس يا ترى ليه؟ تعالوا نعرف Cut مصطفى اتفضل قول لأدهم بيه على المصيبة اللي حصلت المحامي الضرايب مطبقة على الشركة 3 مليون جنيه أدهم نعم ياخويا؟ أومال إنت لازمتك إيه! مصطفى مش بس كده، إنت عارف إني ليا حبايب كتير هناك، ولما اتصلت بواحد فيهم عرفت مين اللي زق علينا موظف ابن كلب مرتشي هو اللي حط المبلغ ده أدهم مين إن شاء الله!؟ مصطفى نرمين الرفاعي أدهم ونرمين بنت عمك هتعمل فينا كده ليه، هي مش أخدت حقها تالت ومتلت!! مصطفى معرفش، بس أنا حاولت أكلمها ما بتردش، وخدت ميعاد مع السكرتيرة بتاعتها وهتقابلنا يوم الخميس ادهم ربنا يستر يوم الخميس مصطفى طب والعريس اللي جاي لأختك! أدهم عريس إيه وزفت إيه إحنا في مصيبة Cut و فى الناحية التانية يوسف بيقابل مريم فى الشقة اللى متعودين يقابلوا بعض فيها وبيقولها يوسف إيه سنة على ما تيجي! أنا قاعد مستنيكي من الصبح مريم فى إيه يا يوسف إنت بتكلمني كده ليه ؟! يوسف بقولك إيه مش ناقص جنانك دلوقت مريم إنت جاهز تيجي يوم الخميس؟ يوسف والله اللي تحبيه مريم يوسف ما تنرفزنيش بكلامك المستفز ده يوسف أه يا ستي جاهز، هاجي وأجيب ورد وشيكولاتة وألبس الحتة اللى ع الحبل كمان .. أى أوامر تانية؟ مريم أهم حاجة إنك تاكل دماغ أدهم يوسف لا من الناحية دى اطمنى .. هو أنا هاكلها بعقل .. ده انا هبلعه مريم أنا لازم أمشي بقا عشان لو روحوا و مالاقونيش هتحصل مشكلة يوسف طب ياللا تعالى أوصلك فى طريقى .. Cut و لما جه يوم الخميس راح مصطفى و ادهم لبنت عمهم نرمين وهناك نرمين هتفجرلهم مفاجأة جديدة مصطفى إيه يا ست نرمين، لازم كل الترتيبات دي عشان نقابلك؟ نرمين أهلا يا مصطفى، أهلا يا أدهم ، اتفضلوا اقعدوا أدهم من غير لف ولا دوران يا نرمين، إنتي أكيد عارفة إحنا جايين هنا ليه نرمين أنا مش بس عارفة يا أدهم، أنا عملت كل ده عشان تيجوا انتوا الاتنين لحد هنا مصطفى حلو أوي، كده الكلام بقى على المكشوف.. الموظف اللي دفعتيله ده بقى في جيبي.. ومش بس مستعد يقول كده قدام النيابة، وتدخلي بقا في سين وجيم واحتمال نون كمان.. ده مستعد يقول أي حاجة أنا هطلبها منه نرمين وهو ده اللي بيعجبني فيك يا مصطفى.. طول عمرك بتجيب من الأخر.. بس فكك من كل ده.. أنا وانتوا عارفين اللي عمي عمله في أبويا.. وأنا مخدتش حقي منكم لسه. أدهم بعصبية إنتي هتستعبطي! إنتي وأخوكي لاهفين نص الميراث أساساً نرمين ده شقى أبويا وتعبه طول السنين اللي فاتت، وما تنساش إن الشركة زي ما كان لأبوك فيها، فأبويا كمان كان ليه التلت مصطفى ما تسيبينا بقى من سيرة الميتين رحمة الله عليهم وتجيلنا دوغري وتجيبى المفيد عشان ننجز نرمين مش بقولك بتعجبني دماغك يا مصطفى.. بس للأسف رحت اتجوزت وسيبتنى أدهم بعصبية وبعدين بقى في اليوم اللي مش فايت ده ! نرمين طيب، هقولكم أنا عايزة إيه .. مريم أختكم مصطفى مالها إن شاء الله! نرمين هي وأحمد أخويا يتجوزوا أدهم نعم ياختي!! الراوي: يا حظك يا ست مريم، 3 عرسان في وقت واحد، لكن محدش عارف الكارثة اللي هتحصل بعد كده والسر اللي انتي مخبياه حتى عن أقرب الناس ليكي.. عشان تعرفوا اللي هيحصل في الحلقة الجاية استنونا وقولولنا توقعاتكم اشوفكم على خير يا اجمل متابعين الراوي أهلا بيكم مرة تانية، هفكركم إيه اللي حصل في الحلقة اللي فاتت، دي عيلة الرفاعي، عيلة أغنيا جدا والكل طمعان فيهم ومريم دلوعة العيلة، متقدملها 3 عرسان في وقت واحد، وكلهم طمعانين فيها، ولو أدهم موافقش على أحمد ابن عمه، هتحصل مشكلة كبيرة في الشركة، بس فى مشكلة أكبر هتحصل لو مريم ما اتجوزتش في خلال شهرين، وده لإنها حامل من يوسف اللي في نفس الوقت يبقى أخو لؤلؤ مرات أدهم التانية، وعشان تعرفوا اللي هيحصل ياللا بيننا نكمل الحلقة. بعد راحوا ادهم و مصطفى لنرمين وقالتلهم انها عايزه اتجوز اخوها احمد لاختهم مريم كانت نظراتهم كلها استغراب و بلموا من خبرها المفاجئ ليهم ردت نرمين على تلمحيتهم وقالت نرمين إيه؟ هو أحمد وحش؟ وبعدين هو ومريم إصحاب وولاد عم، وأهو نضمن إن فلوس الرفاعي ما تخرجش بره العيلة. مصطفى متأخر أوي يا نرمين والله، مريم فى عريس متقدملها وإحنا خلاص موافقين عليه نرمين ما دام ما اتجوزوش خلاص نطيره أدهم هنفكر مصطفى تفكر فى إيه يا عم هي بيعة وشروة!! أدهم إيه تاني يا نرمين عندك حاجة تانية عايزه تقوليها قبل ما نمشى نرمين والله هي دي طلباتي لحد دلوقت مصطفى إنتي طالعة كده لمين !! أدهم ياللا يا مصطفى.. وانتي يا نرمين استني تليفون مني نرمين مع السلامة يا .. ولاد عمي.. Cut مصطفى إنت سكتتلها إزاي مش فاهم أدهم كتت عايز أجيب آخرها وتقول كل اللى جواها مصطفى طب وبعدين هنعمل ايه في المصايب اللى نازلة ترف على دماغنا دي أدهم ارجع إنت بس على الشركة وأنا هروح البيت وهبقى اتصرف مصطفى والعريس اللي جاي لأختك؟ أدهم لسه فاضل 3 ساعات، خلص وتعالى على الميعاد مصطفى طيب اللي تشوفه! Cut راح ادهم على بيت مراته الجديدة لؤلؤ وسالته لؤلؤ وهتعمل ايه يا حبيبي في الهم اللى اتحطيت فيه فجأة ده أدهم مش عارف أنا جيتلك عشان الدوشة اللي في دماغي دي، محتاج أهدى واستريح عشان اقدر أفكر صح لؤلؤ أقولك رأيي بصراحة؟ أدهم قولي يا ستى لؤلؤ أنا شايفة يعني إنك توافق على العريس ده اللي متقدم لأختك، مش هي بتحبه ورايداه؟ يبقى خلاص، أما اللي اسمها نرمين دي فتشوفلها صرفة تانية وباين على نيتها كده مش تمام أدهم بس أحمد أنا عارفه كويس وأنا اللي مربيه على ايدي، وعارف إن نرمين اخته طماعة ومجنون لكن هو طيب و يستاهل مريم فعلا لؤلؤ ياخويا القلب وما يريد، وبعدين إيش عرفك إن أختك هتوافق على ابن عمك ده أدهم جرا إيه يا لؤلؤ إنتي محسساني إنها غلطت مع حبيبها و لازم تتجوزه .. احنا معندناش حاجة اسمها حب يا لؤلؤ و بعدين ده مش أول ولا أخر واحد يترفض يعني لؤلؤ خلاص ياخويا انت هتتعصب عليا أنا ليه! إنت حر.. ياكش تقطعها وتدي لكل واحد حتة أنا مالي أدهم بقولك إيه إنتي عكننتي عليا، أنا ماشي.. نسوان كلها غاوية نكد Cut لؤلؤ بتكلم اخوها يوسف فى تليفون بعد ما مشى ادهم من عندها عشان تقوله كل اللى حصل معاه لؤلؤ زي ما بقولك كده يا يوسف، أدهم ماشي من عندي وهو مقرر خلاص إنه يرفضك يوسف يعني أروح ولا ما أروحش يعني مش فاهم! لؤلؤ يا واد إفهم .. مش ده اللي كنا عاملين حسابه؟ إنت تروح، وتقعد وكمان تتشرط يوسف بس أنا مش عايز أعمل في مريم كده لؤلؤ يا حنين! وكانت فين الحنية دي قبل ما تحمل منك يا سبع الرجال يوسف طيب خلاص، هشوف لؤلؤ إبقى طمني، أنا مش هيهدالي بال غير لما أعرف اللي هيحصل يوسف طيب.. سلام دلوقت بقا عشان أنا كده هتأخر لؤلؤ سلام يا روح أختك Cut مريم عمالة تتزوق وتلف فى الاوضة من فرحتها وكان معاها امها بتجهزلها حاجاتها مريم ماما الفستان ده حلو؟ وفاء قمر 14 يا حبيبة ماما، بس هو ضيق عليكي كده ليه، إنتي مش لسه شارياه من أسبوعين! مريم أه بس... عادي ما انتى عارفة يا ماما أنا باكل طول اليوم وفاء طيب، سيبيني أنا كمان بقى عشان أجهز الأكل والحاجات اللي هنحطها للراجل ده مريم اسمه يوسف يا ماما وفاء ماشي يا ستي، يوسف.. ربنا يسعدك يا بنتي ويعملك اللى فيه الخير يارب Cut و هنا أمنية عمالة تكلم جوزها مصطفى فى أوضة نومهم وعايزة تقابل العريس معاهم أمنية وإحنا مش هننزل ليه يعني مش فاهمة! مصطفى وهتنزلي تعملي إيه يا أمنية يا حبيبتي، ده جاي لأول مرة عشان يقابلني أنا وأدهم وماما، مش هيبقى فرح هو أمنية وماله يعني مش أنا مراتك مصطفى بقولك إيه، ماهي رانيا مرات أدهم أهي ما بتزنش زي ما انتي بتعملي أمنية طب وأخويا؟ مصطفى بعدين.. بالليل ابقي صدعيني براحتك، سيبيني انزل بقا عشان كل شوية يرنوا عليا وانا اتزفت اتاخرت عليهم Cut و اخيرا وصل يوسف لبيت مريم و قعد مع اخواتها ادهم و مصطفى أدهم أهلا وسهلا بيك.. احكيلنا بقى قابلت مريم فين وعرفتها ازاى ؟ يوسف في الكلية، كنا زمايل سوا، واتعرفنا على بعض.. بكل احترام طبعا ولما جهزت نفسي قلت لازم آخد خطوة وأتقدم مصطفى وبتشتغل فين؟ يوسف بشتغل في شركة تصدير مهندس جودة مصطفى كويس جدا أدهم بس إنت عارف أختي عايشة إزاي ومستواها عامل إزاي .. هتقدر توفرلها اللي هي محتاجاه؟ مريم أدهم ! يوسف طبعا عندك حق، بس أنا بعمل فلوس كويسة، وطلبات مريم أوامر، أهم حاجة عندي إني أسعدها أدهم أنا حاسس إني شفتك قبل كده! يوسف ده عشان شكلي مألوف بس، لكن ياريت ده أنا يزيدني شرف معرفتى لحضرتك أدهم وشقتك فين يا يوسف ؟ يوسف الحقيقة إني لسه معنديش شقة ملكي، لكن.. مريم أنا ويوسف قررنا إننا نعيش في الشقة بتاعتي اللي أبويا سابهالي أدهم ما شاء الله .. هتصرفي عليه يعني ؟ وفاء إيه اللي بتقوله ده يابني! أدهم ماهو مادام لا عنده شقة، ولا مرتبه هيكفي يعيشها في نفس المستوى اللى هى التى عايشاه ولا عنده عربية، وناوي يعيشها بالحب .. يبقى أنا يسعدني أقولك إن معندناش بنات للجواز واتفضل من غير مطرود مريم أدهم إيه اللي بتقوله ده ! ماما ما تقولي حاجة ! يوسف أنا مقدر رد فعلك جدًا، والحقيقة أنا لازم أمشي دلوقت ، لكن مش هعتبر إن ده ردكم النهائي.. وفاء استنى بس يابني يوسف معلش يا أمي، اعفيني من الحرج .. سلام عليكم Cut وبعد ما يوسف مشى هاجت مريم عليهم كلهم و قالت لادهم مريم إنت إيه !! هو ده اللي بتعمله عشاني؟ الله يرحمك يا بابا بابا لو كان هنا كان عمره ما عمل اللي انت بتعمله ده أدهم أحمد ابن عمك متقدملك وفاء إيه يابني الكلام ده مصطفى أحمد كلمنا يا ماما عشان عايز يتقدم لمريم واحنا شايفنه احسن من البتاع اللى اسمه يوسف ده أدهم اكيد احسن مليون مرة على الاقل عارفين اصله و فصله وإحنا موافقين عليه مريم بعصبية بس أنا مش موافقة وهتجوز يوسف يا أدهم، حتى لو على جثتي.. ولو مش هتجوزونى يوسف اعتبرونى مت Cut اول ما يوسف راح لاخته لؤلؤ حكالها كل حاجة لؤلؤ طب وبعدين ؟ يوسف ولا قبلين، أخدت بعضي ومشيت لؤلؤ حلو أوى .. ومريم عملت إيه ؟؟ يوسف مبطلتش زن، من ساعة ما طلعت من عندهم وهي عمالة تتصل عليا لؤلؤ حلو أوي ما تردش ولا تعبرها خليها شوية على نار.. يوسف وأخرتها يعني؟ لؤلؤ بكرة تبدأ في اللي إتفقنا عليه يوسف وافرضي مريم بعد كده هي اللي مبقتش عايزاني؟ لؤلؤ فشر، دي هتجري وراك.. وابقى قول لؤلؤ قالت.. Cut تانى يوم الصبح صحى ادهم و مصطفى وراحوا على شغلهم وقابلتهم السكرتيرة السكرتيرة صباح الخير يا أدهم بيه الظرف ده واحد جابه وطلب أوصله لحضرتك أدهم طيب سيبيه وإطلعي مصطفى إيه ده فى ايه ومين جابه أدهم معرفش افتح شوف فيه إيه مصطفى ده فلاشة وجواب ! أدهم بيقول إيه!؟ مصطفى هدية بسيطة، جاري توزيعها على كل الحبايب! أدهم هات الفلاشة مصطفى يا نهار إسود ايه اللى انا شايفه ده ! أدهم أكيد غلط .. انا مش مصدق عينى مصطفى وديني لأقتلك يا مريم .. أدهم.. أاادهم فوق ...حد يطلب الاسعاف بسرعة.. أدهم بيه وقع من طوله و فقد الوعى ... Cut الراوي أدهم مقدرش يستحمل اللي شافه على الفلاشة وكان يمس بشرف و عرض أخته، ولإنه مريض بالسكر، فالانفعال كان خطر عليه، ودلوقت بعد ما لؤلؤ ويوسف لعبوا على المكشوف، يا ترى إيه اللي هيحصل لمريم لما تعرف إن سرها إتكشف، وإن اللي كشفه هو أكتر واحد بتحبه.. عشان تعرفوا اللي هيحصل في الحلقة الجاية سيبولنا توقعاتكم في الكومنتات واستنونا كل يوم فى. نفس المعاد وقولولنا يا ترى هيكون إيه رد فعل ادهم ومصطفى مع اختهم مريم وبعد ما وصلهم كل فضايحها مع يوسف وياترى هيعملوا معاها ايه .

حكايات الحياة

القائمة الرئيسية

الصفحات

صورني وانا نايمه وبعت الصور لأهلي والكارثة انه ؟!

أخر المواضيع من قسم : حكايات الحياة

تعليقات

إرسال تعليق