قصص مؤثرة .. جوزى اتجوز سلفتى و رجعلى ندمان يترجانى لما عرف ان !!
قصة حقيقية مؤثرة
بعدما اتحملته و عيشت معاه على الحلوة والمرة رمانى واتجوز سلفتى والكارثة انه اتجوزها عشان يجيب الولد
قصة حقيقية مؤثرة
أنا ياسمين ٣٢ سنة اتولدت فى اسرة بسيطة وعلى قد حالها .. فى بيت مكون من ام طيبة واب بيشتغل اليوم بيومه .. كانوا هما كل حياتى و كان حلمى الوحيد اكبر عشان اردلهم ولو جزء صغير من جميلهم عليا لكن للاسف امى وابويا راحوا فى حادثة وانا صغيرة ..
كنت فى اولى ابتدائى ومكنتش اعرف تفاصيل الحادثة بظبط لكن اللى اعرفه ان اللى اتكفل بيا هو خالى .. خالى خدنى عنده فى بيته وعاملنى زى بنته و ربانى احسن تربية ورفض تماما يدخلنى دار ايتام زى ما مراته طلبت منه لانها كانت خايفة اتربى مع الولدين ولادها كانوا اكبر منى بحاجات بسيطة .. عزت و سيف ..
لكن الحمد لله خالى كان مخلى باله منى اوى و كان محافظ عليا و كبرنا كلنا و خلصنا جامعات وانا كنت معتبره ولاده زى اخواتى بظبط
قصة حقيقية مؤثرة وحكايات واقعية
مرت الايام و خالى بدأ يتعب تعب شديد و نده على مراته و اولاده وانا ... و قالنا تعالوا عشان عايزكم و لما قعدنا كلنا عشان نسمعه .... فجأنا انه قال لعياله لازم حد فيكم يتجوز ياسمين .. وصيتى الاخيرة ان ياسمين محدش غريب ياخدها لانها لحمنا و دمنا و استحالة اسيبها لحد غريب يبهدلها معاه .. على قد ما كلامه اثر فيا اوى وبكيت لانى كنت بحبه جدا .. على قد ما كان الخبر صدمة علينا كلنا ومكناش نتوقع ابدا انه يطلب طلب زى ده ..
وخاصه ان انا و اولاده بنتعبر بعض اخوات بجد .. المهم وقتها عزت اصلا كان خاطب او متكلم على واحدة كانت اخت صاحبه .. و بعد سنة تعب خالى اكتر و اكتر و توفى ... و بعد موته بسنتين نفذ سيف ابنه وصيته .. و فعلا اتخطبنا و احنا مفيش بينا اى مشاعر لبعض .. كنا اخوات وعشان مزعلش خالى اللى ربانى و تعب عليا و كان ملجأى الوحيد بعد ربنا وافقت انا كمان
و بعدها بسنة اتجوزنا و سكنا في شقة في نفس البيت مع حماتي اللى هى مرات خالى و سلفى عزت اللى كان متجوز قبلى انا و سيف بسنتين وعنده ولد ..
قصة حقيقية مؤثرة وحكايات واقعية
و كانت علاقتي بجوزى و اهله كويسة جدا لانى كنت متربية معاهم و انا صغيرة . و بعد سنتين من جوازنا اتاخر حملى وبدأت اسمع كلام زى السم من حماتى .. بعدها قولت لسيف مفهاش حاجة لما نعرض نفسنا على الدكاترة .. بس كان بيرفض وبعد محايلات اكتر من مرة عشان نروح لدكتور ونعرف سبب تأخير الحمل ..
وافق سيف بس شرط عليا نروح لدكتور صاحبه.. و بعد التحليل و الاشعة الدكتور بلغ سيف ان العيب منى انا و انى هعيش باقى حياتى عقيمة مش هقدر اخلف خالص .. على قد حزنى و زعلى بس سيف كان بيهون عليا .. خاصة انه بعد الجواز بدأ يحبمى ويتشد ليا و قالى ميهمنيش يكون لنا عيال انا بحبك انتى زى ما انتى كده فرحت اوى بكلامه و بقى هو كل حياتى .. حبيته من كل قلبى بجد ..
بعد سنة نقلنا في شقة تانية من كتر الخناقات والمشاكل مع حماتى على الخلفة .. جوزى قرر نكون فى مكان لوحدنا بعيد عن صداع حماتى . بعد ما نقلنا جوزى كان علي طول بيتصل بوالدته يتطمن عليها و كان بياخدني و نروحلها مرة كل أسبوع في يوم أجازته
و لو في يوم كنت تعبانة أو مش فاضية إني أروح معاه كنت بقوله يروح هو بس مكانش بيرضي و يقولي : يعني حتي يوم الأجازة هقضيه بعيد عنك يا حبيبتى. كنت أقوله : إنا راضية روح أنت إتطمن علي مامتك و إرجع . كان يرد و يقولي : خلاص هتصل أطمن عليها و نبقي نروح كلنا في يوم تاني رجلي علي رجلك.
كانت حياتنا مثالية و جميلة لحد ما فجأة من سنة .. مات سلفي عزت في حادثة و هو في عز شبابه و ساب مراته و طفل عنده 4 سنين . و كانت وفاته صدمة كبيرة لجوزي و حماتي . و بعد فترة من وفاة سلفي بحوالى شهرين .. بدأت ألاحظ حاجات غريبة علي جوزى ماكنتش بتحصل قبل كده
واحده بواحده بدأت زياراته تزيد جدا لحماتي قلت عادي ممكن عايز يعوض غياب اخوه بس اللي مش عادي ان بعد ماكان مابيروحش الا بيا ..
بقى يتحجج باي حجة عشان مروحش معاه مثلا بقى يطلع من الشغل على هناك على طول .. ويتصل بيا ويقولي ان هو عند والدته ويتصل بيا ويقولي اتغدى انتى لاني هتغدى عند ماما وحتى يوم إجازته وهو رايح مبقاش ياخدني معاه
لا وكذا مره يتصل بيا من هناك ويتاخر ويقولي الوقت أتأخر فهبات مع ماما .. بدأت اشك والفار ابتدى يلعب جوايا من ناحية مرات اخوه .. هى اه كانت كويسة معايا لكن نظراتها وحركاتها لجوزى من زمان لما كنا فى بيت واحد مكنتش مريحة ابدا
قصة حقيقية مؤثرة
و ف مره يوم إجازته .. دخل لبس عشان يروح عند مامته ودخلت انا كمان لبست و قلتله هاجى معاك
اول ماشافنى و سمع كلامى ارتبك و بان عليه التوتر
قلتله هروح معاك عند مامتك وحشتني بقالي كتير مشفتهاش وبالمره تاخدني معاك عند سفلتى وانت رايح نشوفها وتشوف ابنها
بان عليه الضيق وقالي ماتخليها المره الجايه و فضل يتحجج كالعادة انه هو رايح وراجع على طول
قلتله لا انا لابسه خلاص لسه هقلع يلا هسبقك على العربيه وفعلا نزلت انا وهو
واحنا في الطريق قالي هرن على والدتي واقولها أنك جاية معايا قلتله لا خليها مفاجأه احسن وهتفرح اوي لما تلاقينا داخلين عليها
ولما دخلنا روحت سلمت على حماتي و شوفت سلفتي بقى كانت خارجه من مطبخ حماتي وكانت على سنجة عشره لابسه ومتشيكه وحاطه ميكب ولا كأنها واحده جوزها مات من ٤ شهور وأول ماشافتني اضايقت
سلمنا على بعض نظرات سلفتي لجوزي كانت مفضوحه اوي
وطول القعده وكل كلامها كان موجه لجوزي بمنتهى الدلع
وجوزي كان بيحاول يتجنبها عشان مااخدش بالي .. بس على مين انا كنت حاسة بكل حاجة بينهم و مدراية. .. ماهى ليها حق تبص لجوزى لان خالى ساب ورث كبير اوى وكانت عايزة تعيش فيه طول العمر هى وابنها
بعد ماروحنا قولتله انا عايزه ارجع لبيت العيلة عشان تفضل جنب مامتك على طول ... اول ما قلت كده اتخض وقالي وشغلي وكده قلتله ما احنا كنا فيها وكنت بتروح شغلك عادي
وبعدين لو رجعنا الشقه هتوفر المشاوير مرواحك لمامتك وهتبقى جنبها
بس هو رفض تماما بحجة اننا كده اريح عشان حماتى متصدعنيش بالكلام عن الخلفة زى الاول ورفضه ده أكد ليا ان في حاجه مش طبيعيه
وبعد عشره ايام اتصل بيا جوزي وقالي ان هو رايح عند حماتي بس انا سمعت صوت ابن سلفتي في التليفون
سألته قولتله انت روحت ولا لسه هتروح ؟؟ قالي انا لسه هروح وقالي ممكن ابات قولتله وماله خد راحتك على الاخر
ومن غير تفكير لبست و نزلت روحت عند حماتي واول ماحماتي شافتني اتبرجلت و مبقتش ع بعضها دخلت وسلمت عليها وقولتلها فين سيف يا مرات خالى .. هو قالى انه جايلك قالتلي اه يا حبيبتى سيف فوق عند سلفتك
رديت عليها وانا على اخرى من ردودها الباردة و قلتلها …!!! بيعمل ايه فوق لوحده ؟
قالتلى عادى قولتلها يعنى ايه عادى ... سكتت ومن غير تفكير قولتلها انا هطلع اشوف ايه الموضوع شدتنى من ايدى و قالتلى تطلعى فين قولتلها لجوزى !! قالتلى ماهو جوزها هى كمان …
محستش بنفسى دوخت ووقعت من الصدمة انا فعلا مش مصدقة رغم انى كنت حاسة أن فى حاجة غريبة لكن مكنتش متوقعة أنه اتجوزها فعلا وبسرعة دى …كنت متأكدة أن فى حاجة بينهم لكن كنت مفكرة أن لسة محصلش جواز ازاى يغدر بيا كدة معقول أهون عليه كده وبالسهولة دى !!؟؟؟
فوقت لاقيت حماتى قعدة بتتفرج على التلفزيون ولا كأنى كان مغمى عليا قولتلها فين سيف يا حماتى قالتلى منا قولتلك فوق عند مراته جريت على فوق وسمعت صوتهم كان عالى اوى وعمالين يضحكوا
قلبى كان هيقف من اللى سمعته .. بجد حاسة انى مكنتش قادرة اتنفس خبطت الباب وهو فتح وبلبس البيت اول ما شافنى اتبرجل وقالى ياسمين ايه اللى جابك !!! انتى جيتى امتى قولتله جيت من شوية …انت هنا ليه يا سيف ؟؟؟
قالى ابدا انا كنت بطمن على ابن اخويا ونازل على طول .. قولتله ايه الكلام اللى حماتى بتقوله ده !!
كلام ايه يا ياسمين ؟ …سلفتى طلعت فجأة و كانت لابسة لبس نوم وقالتلى اهلا ياسمين الغالية عندنا !!! مش على الأقل تقولى انك جاية ! فى حد يجى لحد كدة من غير ما يقول مش يمكن مشغولين يا حبيبتى
مقدرتش انطق ولا أقول ولا كلمة بصيت لجوزى لاقيته ساكت مشيت وانا رجلى مش شيلانى وهو مجاش ورايا نزلت و شوفت حماتى على السلم و بكل هدوء بتقولى ماهو كان لازم يتجوز عشان يجيب حتة عيل يفرح بيه .. تعالى اشربى معايا شاى مردتش عليها ومشيت روحت البيت واستنيته لما يجى عشان افهم ازاى ده حصل …وفضلت مستنية لكن للاسف مجاش
معقولة اول مرة من اربع سنين يسيبنى انام لوحدى
انا مش مستوعبة ايه اللى بيحصل ... حاسة أن قلبى دقاته مش منتظمة من كتر التعب و الصدمة..
عدا يومين ومجاش وبعدين لاقيته فتح الباب ودخل قعد فضل ساكت شوية وبعدين قالى انا جاى اقولك كلمتين …ده بيت اخويا الله يرحمه وانا مقدرش اسيب ابنه .. قولتله متقدرش تسيبه ولا متقدرش تسيبها !!
قالى ولا اقدر اسيبها قولتله وانا يا سيف ؟ قالى انتى عقيمة يا ياسمين و من حقى شرعا اتجوز و اجيب عيل يشيل اسمى و يتهنى بورثى من بعدى …و انت ليكى الخيار هتقبلى بالوضع ده او انت حرة مقدرش اغصبك
قولتله ياااااه يا سيف ياريتك ما اتكلمت ولا قلتلى اسباب ياريتك يابن خالى ما جيت لانك دبحتنى بسكينة تلمه ... كل ده عشان تجيب عيل ترمينى بالطريقة دى ... نسيت وصيت خالى ليك نسيت الوعود اللى كنت بتوعدهالى و كلامك الحلو دلوقت فى نظرك انا عقيمة
قالى اللى حصل حصل ياسمين و هما كمان من لحمى ودمى و مقدرش ارمى لحم اخويا فى الشارع او اسيبها تروح تتجوز واحد غريب يتمتع بفلوس اخويا وابنه ... و كمان خلاص هى حامل فى عيل منى .. بصيتله بمنتهى الاستغراب وانا لسانى مشلول من كلامه و قلتله حامل .. حامل ازاى و بالسرعة دى
قالى انا عرفتك بكل حاجة و انتى حرة مقدرش اغصبك ياتقبلى بالوضع ده يا تتطلقى و حقوقك هتوصلك لحد عندك ..
اندهشت اوى و قلتله بسهولة كده يا اصيل بتقولها .. قد كده مليش قيمة عندك
قالى متقوليش كدة انا فعلا فى وضع صعب ابن اخويا ومراته انا بعتبرهم أمانة اخويا الله يرحمه
قلتله ابن اخوك ومراته و لا طفاستك وندالتك عشان تجيب عيل .. تقوم تخرب بيتك و تكسر قلبى ؟!!!
كان ممكن لو يهمك فعلا بيت اخوك .. تاخد بالك منهم من غير جواز ايه الحكمة فى انك تتجوز سلفتى دى طول عمرها حركاتها مش تمام ونظراتها بتدل انها ست مش كويسة.. وعينها من كل حاجة عندى تقوم تاخدك انت يا سيف منى
قصة حقيقية مؤثرة
بص فى الارض ومردش عليا كأنها عملاله سحر انا بجد هتجنن ازاى ده حصل وازاى قدرت تاخد قلب جوزى بالسرعة دى .. دى جوزها لسه ميت حتى المفروض تحزن عليه شوية دى مكملتش سنة ياناس
واخيرا قررت انى هدخل معها فى التحدى ده وانى مش هسيبها تخرب بيتى انا لازم احافظ على جوزى
نديت عليه بعلو صوتى وقولت له انا موافقة يا سيف انا هفضل فى بيتى ومش هتطلق
بصلى بدهشة وقالى بجد يا ياسمين؟؟؟!!!
قولتله اه طبعا ولا انت كنت متوقع انى امشى من بيتى
قالى لاء بجد انا كنت بتمنى توافقى
قولت له خلاص وانا وافقت
وفجأة التلفون رن ببص اشوف مين ؟ لاقيتها هى اللى بتتصل وبكل ثقة بتقوله تعالى بقى انت اتأخرت عليا اوى يا حبيبى
لاقيته قام بدون تفكير ... وقالى انا خارج قولتله طيب سلملى على حماتى
قالى ياسمين…..انتى مش زعلانة بجد ؟!!!
قولتله لاء هزعل ليه انا قولتلك انى موافقة خلاص .. و ربنا يسعدك
حسيت باستغراب ودهشة فى عينه وبعد مكان متحمس انه يروح حسيت انه محتار كده وقالى طيب سلام لو احتاجتى حاجة كلمينى ..عدا يومين وانا مكلمتوش ولا اتصلت بيه
وبقيت اصلى وادعى ربنا يرجعلى حقى .. و بدأت افكر انزل شغل و اشوف حالى .. و شيلت سيف من دماغى و قلت بعد ما اعملى مبلغ محترم هطلب الطلاق واعيش فى شقة لوحدى .. وفعلا نزلت دورت ع شغل و لانة خريجة اعلام .. اشتغلت مذيعة وبقيت اتدرب واموت نفسى فى الشغل عشان انجح و احقق ذاتى و انتبه لنفسى اللى ياما ظلمتها زمان عشان اراعى العشرة و العيش والملح ..
انا مش ضد أنه يراعى ابن اخوه ولا مراته لكن دى وحدة نيتها وحشة وعايزة تخرب بيتى مش هدفها الستر أو أنها تحافظ على ابنها و انا واثقة من كلامى ده كويس
وعشان كدة عارفة أن ربنا هينصرنى عليها وقريب جدا هيكشفله نيتها
بعد ما ظهرت مرة ف التليفزيون و شافنى سيف وانا بقدم برنامج حقق نجاح مبهر ..لقيته جاى بيقولى مش قولتلك ابقى كلمينى طمنينى عليكى !!!
وقتها بكل ثقة وغرور قلتله طلقنى يا سيف .. رد وقالى بقى انا جاى اطمن عليكى تقومى تطلبى الطلاق .. قلتله اه طلقنى انت مش جاى تطمن عليا .. انا مجرد حليت فى عينك لما شوفتنى بدات احقق ذاتى وانتبه لنفسى اللى ظلمتها معاك ..
قصص حقيقية مؤثرة وحكايات واقعية
قالى انا اتجوزتها هى عمل خير .. لكن بحبك انتى .. قلتله اه صح عمل خير عشان تخلف لكن انا قيمة ومنفعكش يا استاذ سيف .. وعامة من بكرة هلم هدومى و امشى من البيت ده اروح على شقتى الجديدة و هاستنى منك ورقة طلاقى وياريت بلاش نوصلها للمحاكم لاننا اهل يا ابن الاصول
سابنى و مشى وهو على اخره .. وبعدها بشهر جاتلى ورقة طلاقى على شغلى واللى جابهالى زميل ليا كان طلب منى يتقدملى .. قعدت معاه بعد الشغل فى مكان عام و فهمته كل الحكاية و قالى انه مش هيتخلى عنى و هيعوضنى عن كل اللى. فات
بعد ما سمعت ان سلفتى ولدت وجابت ولى العهد .. لاقيت حد بيخبط على الباب بايده و رجله ..فتحت بسرعة لقيتها سيف .. قلتله عرفت عنوان بيتى ده ازاى .. اول كلمة قالهالى ليه خبيتى عليا .. بصيتله باستغراب وقلتله فى ايه .. وايه اللى خبيته عليك .. رد وقالى متستعبطيش يا ياسمين و ردى عليا بصراحة .. وبهنا ياسمين بتفجر لجوزها مفاجئة من العيار التقيل لو عايزين تعرفوا خبت عليه ايه ؟ شاهدوا الفيديو القصة كاملة صوت وصورة .. اتمنى تعجبكم
تعليقات
إرسال تعليق