قصه جديده وشيقه علي قناه حكايات الحياة.....نار الغيرة حرقت قلب سلفتي والنهاية كانت!؟.......................
كل البلد كانت شاهدة على غيرة زبيدة مرات عمى حسنين من فاطنة مرات عمى مصطفى .. زبيدة كانت هى أول واحدة تخش عيلتنا .. لما إتجوزت عمى الكبير .. و من ساعتها بقت ست الدار بعد ما ستى الله يرحمها ماتت .. بس زبيدة فضلت متخلفش لوقت طويل .. وعشان عمى كان بيحبها .. عمره ما فكر فى موضوع العيال .. لما عمى مصطفى كبر و حب يتجوز .. ساعتها راح ابويا و عمى حسنين يخطبوله احلى بنت فى الكفر كله .. كان اسمها فاطنة
دخلت فاطنة العيلة عروسة جديدة .. كان عمى مصطفى روحه فيها .. و لإنه كان الصغير كانت كل طلباته مُجابة .. راحوا شهر عسل .. ولما رجعوا زبيدة كانت بتغلى .. محدش هيحب يشوف السعادة فى إيدين غيره و هو مش طايلها .
و رغم ان فاطنة كانت على نياتها .. وكانت بتحب زبيدة كإنها اختها الكبيرة .. إلا إن الغيرة بين السلايف فضلت تكبر وتكبر .. لحد ما عمى مصطفى عزم بيت العيلة كلها عشان يقولهم على الخبر السعيد .. فاطنة مرات عمى كانت حامل ..
زبيدة كتمت القهرة فى قلبها وسكتت .. وبقت تلف على الدكاترة زى المجنونة .. لكن كلهم قالولها ان مفيش ولا عيب فيها ولا فى عمى حسنين .. كل الحكاية ان ربنا لسه مش رايدلهم خلفة .. لكنها عاندت وبقت تسأل نفسها ازاى و انا ست الدار ولسه مجبتش لجوزى كبير العيلة عيل يتسند عليه ويشيل اسمه و ويورثه بعد عمر طويل؟
وتيجى بت مفعوصة زى دى وتاخد الجمل بما حمل !
فضلت زبيدة تفكر لحد ما جارتها ست مؤذية و تعرف دجالين و مشعوذين عرفتها سكتهم .. ومن ساعتها بقت تدور وتلف عليهم .. لحد ما نالت مرادها ..
واحد منهم قالها ان التمن هيكون غالى أغلى مما تتصور .. و انها عشان تقدر تخلف لازم تجيب أتر سلفتها .. وبعد ما تخلف فاطنة .. زبيدة هتنول المراد .
ولدت فاطنة .. و جابت اول ولد لعيلة عبد الهادى ..
سموه محفوظ .. لكنه مكنش إسم على مسمى .. و رغم كده فكان هو روح العيلة .. وعمى حسنين كان بيعتبره زى ابنه و اول فرحته .. و جدى كان طاير بيه طير .
وعدت شهور وفاطنة تتعب .. وقتها زبيدة قالتلها إنها هتاخد منها الواد لحد ما تخف و تبقى كويسة .. و قعدت زبيدة بالواد لكنها انشغلت باللى طلبه منها الشيخ .. لحد ما جت اللحظة الكارثة فى حياة العيلة كلها .. لما فاطنة صحيت لقيت ابنها محروق و ميت قصاد منها .. اتارى زبيدة سابت محفوظ و الفرن كان شغال و زحف لعنده لحد ما النار مسكت فيه و فضلت زبيدة تعيط و تحلف لفاطنة انه كان بعيد و انها غابت دقايق والواد لوحده دخل الفرن .
و ده نتيجة ان زبيدة مكنتش بتفكر فى الواد و لا كانت حاسة بأى حاجة .. كل اللى كان فى بالها .. إنها تعمل اللى قالها عليه الدجال .. عشان تقدر تخلف .. وقتها قلب فاطنة اتحرق .. وعمى مصطفى دب فى جسمه المرض والقهر .. ومن يومها عاش هو و فاطنة مراته زى الأغراب تحت سقف واحد ..
تفوت الأيام .. وسمع الجيران الزغاريط جاية من بيت عمى حسنين .. زبيدة كانت حامل .. والندر اتحقق . والدجال خد مبلغ محترم من زبيدة و كل فترة كان يهددها يا تدفع يا يكشف امرها .. وبعد تسع شهور .. ولدت زبيدة ولدين توأم .. فرحة عمى حسنين مكنش حد يقدر يوصفها بعد 11 سنة من جوازه من زبيدة أخيراً ربنا رزقهم بالخلف .
وبعد 3 سنين .. زبيدة حملت مرة تانية .. وبرده جابت توأم صبيان . و لسه فاطنة فى دارها .. بتتحسر على ولدها اللى مات قبل ما تفرح بيه .. وبعد كده اتجوز ابويا محمد الوسطانى بين عمى مصطفى وعمى حسانين ... وربنا رزقه بيا و سمانى مبروكة لانى لما جيت .. الخير بدأ يعم والارض جابت ياما وبعدها بسنتين جه اخويا احمد
و بعد فترة جدى مات .. ابويا اتخانق مع عمى حسانين عشان الميراث .. و عمى حسانين قاله انه اكتر واحد شقى وتعب على الارض دى وانها من حقه و كمان عياله الاربعة هيحتاجوا الأرض اكتر من ابويا اللى خلفته واد وحيد و بنت واحدة اللى هى انا .. ولما حكموا عمى مصطفى .. قالهم انه مش عايز حاجة .. و انه هيسيب الدنيا زى ما جاها .
ساب ابويا البلد .. و اخدنا و رحنا عشنا فى القاهرة .. وبعد سنين .. مات عمى حسنين .. والأرض فضلت زى ما هى و بقت من نصيب ولاد حسنين ومراته زبيدة .
لكن زبيدة فى يوم شتا .. والدنيا بتبرق و بتشتى ... صحت فى عز الفجر لقيت حد بيخبط على بابها فتحت الباب .. كان عابر سبيل .. كان راجل حافى و هدومه مقطعة و باين على ملامحه غضب ربنا .. قالها دفعتى التمن يا زبيدة و لا لسه ؟
سألته انت مين ؟ وتمن ايه اللى بتتكلم عليه ؟
قالها قلتلك ان مفيش حاجة ببلاش .. و ان التمن غالى .. اغلى مما تتصورى .. قفلت زبيدة بابها.. وهى مش مهتمة بكلامه وقالت ده اكيد راجل عجوز و بيخرف .
وبعد أسبوع .. كانت زبيدة بتجيب حاجات عشان تعشى ولادها الأربعة .. والدنيا عمالة تشتى جامد خافت على العيال و رجعتلهم بسرعة .. لكن من اللى شافته وقفت قصاد البيت متسمرة مترحكتش .. لقت النار بتنهش فى البيت و محدش قادر يفتحه .. مبقتش مستوعبة اللى بيحصل .
قلبها وقع.. وقعدت تصرخ وتقول : ولادى .. ولادى فين؟
وقتها كانت جت صاقعة كهربا مع المطر فتحت النار على البيت كله .. مهما كانت الناس بتحاول تفتح الباب مكنش بيتفتح و كل ما ناس تقرب من البيت كانت النار تزيد اكتر ..
وبقوا ولادها يصرخوا و يصوتوا وامهم سمعهاهم ومش قادرة تحوش عنهم اللى صابهم .. وفضلوا الاربعة جوه البيت لحد ما ماتوا كلهم .. زبيدة عرفت ان ده التمن اللى كان الراجل الغريب يقصده .. ولما ركزت شوية عرفت ان هو الدجال اللى راحتله زمان و دى نفس كلمته اللى قالها لها و فهمت كمان ان التمن غالى اوى اغلى مما تتصور
فضلت زبيدة لأيام مش مصدقة اللى حصل .. كانت بتمشى فى الشوارع بعد ما اتجننت .. وتنادى على عيالها الأربعة .. لحد ما وصلت لبيت فاطنة مرات عمة مصطفى .. فضلت تخبط عليها ..و اول ما شافتها قالتلها العفو والسماح يا فاطنة رجعيلى عيالى .. ابوس ايديكى تسامحينى و ترجعيلى عيالى
فاطنة مكنتش فاهمة حاجة .. وقالتلها البقاء لله شدى حيلك!
بصت زبيدة للسما و رددت : البقاء لله ..
وقالت بصوت مدبوح .. بقى انا انسى و هى تنسى .. و انت متنساش ؟
فاطنة قالتلها تقصدى ايه يا زبيدة .. وقتها حكت زبيدة ان هى السبب فى موت محفوظ ابن فاطنة لما الدجال طلب منها ترمى الواد فى النار عشان تقدر تخلف وقالها ده شرطهم الوحيد عشان تقدرى تجيبى عيال و كملت وقالت كنت عارفة ان محدش فيكم كان هيكدبنى او يشك فيا لما انكرت انى شوفته وهو بيولع قصاد منى وقلبى مات .. فاطنة مكنتش قادرة تستوعب كلامها نهائى .....
ردت فاطنة عليها بحسرة و كسرة قلب و قالتلها يعنى انتى السبب فى كل اللى حصل لابنى معقولة يا زبيدة طب ليه وعملك ايه يا جاحدة ياللى معندكيش قلب. .. زبيدة فضلت تبكى و تقولها السر اللى دفنته عليكم بقالى مدة ومفيش مخلوق عرفه .... و انا بردو اللى كشفته .. كشفته يا فاطنة لان ربنا العدل .. انتقملك انتقام الهى .
اما انا ف خلاص حياتى انتهت .. وقتها زبيدة فضلت تحكى و تضحك و تحكى وتضحك و تقولها سامحينى يا فاطنة لعنة الغيرة اتقلبت عليا و بعدها صابها الجنون و عاشت مجنونة باقى حياتها .... بقت تلف فى الشوارع و تقول كُنت عايزة اموت و اخلص من العذاب ده ...... بس خايفة اوى .... خايفة اقابله و انا كده .... أنا لسّا مش مُستعدة .... يا ترى هيسامحنى .... هيغفر لى لو تُبت بجد ...... أنا عارفة إنه مُنتقم بس كمان متأكدة من رحمته...... واخر كلام زبيدة انها قالت قررت اعيش استغفر لآخر نفس فيا ..... مين عالم يمكن ....... يمكن يغفر لى .......
و فضلت زبيدة تطوف بالأيام فى الشوارع .. و هى عمالة تقول : بقى انا انسى .. و هى تنسى .. و انت متنساش يارب ؟ ..... انا كنت بعمل حساب للمخلوق و نسيت الخالق الديان نسيت ان كما تدين تدان ....... خبيت السر عن كل البشر ..... بس خالق البشر اراد انه يتكشف .. سلّط عليا نفسى و انتقم منى فى اولادى و ده أسوء أنواع العقاب .
وبعد ما أبويا و عمى مصطفى دفنوا اللى باقى من ولاد عمى حسنين .. عرفنا الحكاية كلها من فاطنة ..
حكاية زبيدة اللى قتلت محفوظ و دخلته الفرن .
وحكاية عمى حسنين اللى أكل حق إخواته.
ابويا قال لعمى مصطفى يسيب البلد ويسافر معاه يشاركه فى تجارته .. و ده اللى حصل فعلاً .. محدش فيهم رجع لدار العيلة بعد ما صابتها اللعنة بسبب اللى عملته فيها زبيدة .. ولا حد فيهم لمس الأرض لان بعد ما عمى حسنين طمع فى حق إخواته الارض مبقتش تنتج و بقت بور .
وبعد ما سافرنا و عمى مصطفى عاش قريب مننا .. اتفاجئنا بيه هو و مرات عمى فاطنة بيقولولنا ان ربنا رزقهم بطفلة و سموها دنيا .. ويوم ما اتولدت كنت اول مرة اشوف عمى مصطفى و فاطنة بيضحكوا من سنين .
اما زبيدة ف لساها دايرة فى الشوارع تنده على عيالها .. و لساها عمالة تبص للسما وتسأل : بقى انا انسى .. وهى تنسى .. و انت متنساش يارب ؟
وبعد ما خلصت حكاية زبيدة .. رسالة منى ليكوا اتمنوا الخير لبعض متخلوش نار الغيرة تعمى عيونكم وقلوبكم وافتكروا كويس اوى ان الارزاق متقسمة بعدل وحكمة .. مهما عملنا محدش هياخد رزق التانى ولا هياخد اكتر من نصيبه .. و نار الغيرة مش بتصيب الا اللى يحاول يشعلها متخلوش الحقد والحسد يخليكم تاذى غيركم او تضروه .. مهما كان الحرمان مر بس لازم نحمد ربنا و محدش رزقه بيزيد ولا بينقص عن حد كلنا ارزاقنا متوزعة بالعدل لكن باشكال مختلفة .. و ان تعدوا نعمة الله لا تحصوها .. نعم ربنا كتير اوى علينا .. محدش يبص لرزق التانى لان لا غيرتك هتضره ولا هتفيدك بالعكس كل ما تبص لرزق غيرك وتحقد عليه بيعود عليك بالضرر اكتر ويمكن تدمر حياة الحاسد والغيران .. يلا ندعى لبعض بالخير عشان يعم علينا كلنا ويحفظنا من لعنة الغيرة
تمت .....
Below you can see slots from numerous game builders that are be} exactly the identical as video games available for real money play on the online casinos reviewed on this website. All are set to free play mode with no obligation to register or sign up for anything, so you can to|you probably can} play for as a lot or as little as you want. The best online slots to play 원 엑스 벳 are people who provide the best payouts. Games with a better RTP will pay out more than these with a better house edge. Identifying the most effective gamesalso comes down to private desire, depending on the types of themes and particular features you take pleasure in in a slot machine.
titanium rod | titanium rod
ردحذفTitanium Rod samsung titanium watch Features - Features. Titanium Rod Features. Stainless steel rods microtouch titanium trim walmart offer a unique titanium dioxide formula experience burnt titanium for the craft. Ceramic Finish. 1 titanium properties Piece Type.
Below you can see slots from numerous game builders that are be} exactly the identical as video games available for real money play on the online casinos reviewed on this website. All are set to free play mode with no obligation to register or sign up for anything, so you can to|you probably can} play for as a lot or as little as you want. The best online slots to play 원 엑스 벳 are people who provide the best payouts. Games with a better RTP will pay out more than these with a better house edge. Identifying the most effective gamesalso comes down to private desire, depending on the types of themes and particular features you take pleasure in in a slot machine.
ردحذف